హోం పేజి
 క్రమబద్దీకరణ




అనువాదములు:

'العربية / al-ʿarabīyah
Bahasa Indonesia
Català
中文 / Zhōngwén
Deutsch
English
Español
Ewe
Filipino/Tagalog
Français
Galego
Ελληνικά / Elliniká
हिन्दी / hindī
Italiano
日本語 / Nihongo
한국어 / Hangugeo
بهاس ملايو / Bahasa Melayu
Polszczyzna
Português
Română
Русский
తెలుగు /Telugu
ไทย / Thai
Tiếng Việt
Türkçe
اردو / Urdu

                                        

మిగితా పాజీలు

విభాగాలు

స్థల పటములు

ముఖ్యమైన పదాలు

సంప్రదించ వలసిన చిరునామా

అవసరమైన పత్రాలు

అవసరమైన అనుసందానములు

పధక రూపకల్పన, యోచనలు, బయట వనరులు

పధక రూపకల్పన మరియు దానికి కావలసిన వనరులను సమకూర్చుకొనుట

ఫిల్ బార్ట్లే పిహెచ్ డి, చే

అనువదించినది రాజేష్ కాల్వ


శిక్షణ కరపత్రిక

మీరు సంఘ పధక రూపకల్పన లో సంఘానికి సహాయం చేస్తునప్పుడు బయట వనరులు మరియు అంతర్గత వనరుల మధ్య ఒక సమతుల్యం పాటించాలి. సంఘం బయట వనరుల కోసం ప్రయత్నిస్తే సంఘం బయట వనరుల మీద ఆధారపడవలసి వస్తుంది. అదే అంతర్గత వనరుల మీద ఆధారపడితే సంఘం బలవంతమై స్వయం సమృద్ధి గా తయారు అవుతుంది.

మీ పని ఏంటి అంటే సంఘం ఎవరి మీదా ఆధారపడకుండా పోరాడడం అని గుర్తించండి; సంఘం సభ్యులు సంఘం బాగు చేయుట కోరకు బయట సహాయం మీద ఆధారపడితే మీరు సంఘం స్వయం సమృద్ధి గా (సంఘం అంతర్గత వనరుల మీద ఆధారపడడం) తయారు అవడం యొక్క గొప్పతనాన్నివారికి తెలియజేయాలి.

ఒక వేళ సంఘం భారీ పధకం ఎన్నుకొని మరియు అందుకు కావలసిన డబ్బు సమకూర్చుకో లేకపోతే మీరు వాళ్ళను వాస్తవంగా (బయట దాన ధర్మాల మీద ఆధారపడకుండ) ఉండేలా హెచ్చరించాలి.

యోచన అంటే నిధుల కోసం సామర్ధ్యం కలిగిన దాతలకు సమర్పించు అభ్యర్ధన. మంచి యోచన పధక రూపకల్పన లా తయారు చేయబడి ఉంటుంది. మరియు దాతలు ఎందుకు దానం చేయాలో వివరించబడి ఉంటుంది.

అదే పధక రూపకల్పన ప్రభుత్వం లో ఫై అధికారులకు సమర్పించటానికి, మరియు ప్రభుత్వ నిధులు పొందటానికి మూలంగా ఉండాలి.

మీకు ఎంత చేయాలని ఉన్న మీరు సంఘం బదులు పని చేయ వద్దు. కార్య నిర్వహణా విభాగం స్వయంగా చేయటం ద్వారా నేర్చుకుంటారు. సంఘం లో నిరక్షరాస్యులు ఆ రూప కాల్పనలో భాగం అవ్వాలి.

అదే పధక రూపకల్పన బయట నిధులు పొందటానికి యోచనగా ఉపయోగించవచ్చు. అయితే ఆ పధకం అమలు పరచటం ఫై సంఘం మొత్తం యొక్క ఆమోదం పొందాలి. ఆ విధంగా అది యోచన లాంటిది. ఒక వేళ అది జిల్లా అధికారుల అనుమతి పొందవలసి ఉంటే వారికి కూడా దాని కాపీ ని ఇవ్వడం మంచిది.

పధక రూపకల్పన యొక్క సారం, మేధో మధనం ద్వారా, సిద్ధాంతపరంగా ముఖ్యమైన నాలుగు ప్రశ్నలకు జవాబులు ఇవ్వాలి. మనకు ఏమి కావాలి, మనకు ఏమి ఉన్నాయి, మనకు ఉన్న వాటిని ఉపయోగించి మనకు కావలసినవి సమకూర్చుకోవటం మరియు మనం చేసిన తర్వాత ఏమి జరుగుతుంది. సమన్వయకర్త గా మీ పని ఏంటి అంటే ఈ నాలుగు ప్రశ్నలకు వివరంగా కార్య నిర్వహణ విభాగం తో చర్చించాలి. వాటి జవాబులను ఒక నిర్దిష్ట మైన పత్రం ఒకటి కార్య నిర్వహణ విభాగం చేత తయారు చేయించాలి.

మీరు వనరులను గురించి సంఘం తో చర్చించేటప్పుడు సంఘం దెగ్గర సరిపడ మూల ధనము, వనరులు లేవు అని కార్య నిర్వహణ విభాగం సభ్యుల నుంచి వినవలసి రావచ్చు. ఒకే ఒక్క బయట దాతల మీద ఆధారపడే నైజం ఉంటుంది. ఒకే ఒక్క ఆధారం మీద ఆధార పడితే పరాధీనత పెరుగుతుంది. దాని ద్వారా సంఘం బలం తగ్గి పోతుంది. కొంచెం శ్రమ ద్వారా సంఘ సభ్యులు తమకు కావలసిన వనరులను వివిధ మార్గాలలో సేకరించవచ్చు. వనరుల సేకరణ చూడండి

సమన్వయకర్త తమకు కావలసిన వనరులను వాళ్ళే సమకోర్చు కోవాలి అని గద్దించకూడదు. అల కాకుండా మీరు అన్ని వనరులను పేర్కొని, సంఘ సభ్యులు వాటిలో ఏమి సమకూర్చు కోగలరో గుర్తంచమని అడగాలి.

సహాయము పొందటానికి వివిధ మార్గాలు:
  • విరాళాలు: డబ్బు, భూమి, భవనములు, ఉపకరణములు మరియు వస్తు సామాగ్రి మొదలగునవి ప్రజలు సంఘాధారమునకు సంఘానికి విరాళంగా (బహిరంగ సమావేశాలలో గుర్తించి మరియు కృతజ్ఞతలు, ధన్యవాదాలు తెలియజేయ పడినవి) ఇచ్చినవి.
  • వాణిజ్య: కంపెనీలు మరియు వ్యాపార సంస్థలు తమ యొక్క మంచితనాన్ని యొక్క ప్రచార నిమిత్తం సంఘానికి సమర్పించిన కానుకలు (బహిరంగ సమావేశాలలో గుర్తించి మరియు కృతజ్ఞతలు, ధన్యవాదాలు తెలియజేయ పడినవి);
  • సంఘ కార్మికులు: సంఘంలోని సభ్యులు తమ శ్రమను మరియు సమయమును సంఘానికి కేటాయించేవారు. ఇందులో కొన్ని నైపుణ్యం అవసరం లేనివి (గడ్డి తొలగించుట, ఇటుకలు పరచుట), కొన్ని నైపుణ్యం కలిగినవి (వడ్రంగి పని, తాపీ పని) సమావేశములు, యోచన, మరియు పర్యవేక్షణ మొదలగునవి;
  • వ్యవసాయ: రైతులు పధకము కోసం ఆహారము దానము చేయుట:
    • రైతులు పధకము కోసం పని చేయు సంఘ సభ్యులకు ఆహారము దానము చేయుట, లేదా
    • రైతులు తమ ఆహార ఉత్పత్తులను కార్య నిర్వహణా విభాగం చేత అమ్మించటం ద్వారా వచ్చిన డబ్బును పధకానికి ఉపయోగించటం.
  • ఆహారము: ప్రజలు పధకం కోసం పని చేయు సంఘ సభ్యులకు సంఘం పని చేయు రోజులలో ఆహారము మరియు అల్పాహరాలను తయారు చేయుటకు తమ సమయమును కేటాయించటం.
  • విరాళాలు మరియు మాన్యము/ఫీజులు: పొదుపు పధకానికి మరియు సంఘ నిధికి సంఘ సభ్యుల నుంచి ఫీజుల నిమిత్తం విరాళం సేకరించటం. ఉదాహరణకి మంచి నీళ్ళ నిమిత్తం విరాళాలు సేకరించటం.
  • ప్రభుత్వ: కేంద్ర, రాష్ట్ర, జిల్లా మరియు స్థానిక ప్రభుత్వ యంత్రాంగాల ద్వారా పాక్షిక సహాయము. అది జిల్లా అభివృధి సమితి పాల్గొనడం కూడా అవ్వ వచ్చును.
  • ప్రభుత్వేతర(NGOs) సంస్థలు: స్థానిక సంఘం ఆధారిత సంస్థలు, ప్రార్ధన మందిరాలు, స్థానికంగా పని చేయు బయట ప్రభుత్వేతర(NGOs) సంస్థలు.
  • గుప్త దాతలు: తాము చేయు దానములను బయటకు చెప్పటానికి ఇష్ట పడని దాతలు.

ఈ జాబితా సంపూర్ణ జాబితా కాదు. మేధో మధనం ద్వారా సంఘ సభ్యుల (కేవలం నాయకుల నుంచే కాదు) నుంచి సలహాలను తీసుకోండి.

సంఘ పధకాల వనరుల సేకరణ కోసం మరిన్ని వివరాలకు నిధుల ను చూడండి.

––»«––

సంఘ సహకారం; నిర్మాణం


సంఘ సహకారం; నిర్మాణం

© ప్రచురణ హక్కు 1967, 1987, 2007 ఫిల్ బార్ట్లే
వెబ్ డిజైన్ బై లౌర్దేస్ సదా
––»«––
చివరగా మార్చబడిన సమయం: 2011.12.16

 మొదటి పేజీకి

 ఏర్పాటు చెయ్యటం