Tafsiri:

Kurasa zengine:

Moduli

Ramani ya Tovuti

Maneno muhimu

Wasiliana nasi

Nyaraka za Matumizi

Viungo muhimu

Hadithi ya Tano

Hakupeana changamoto kwa jamii

na Phil Bartle, PhD

imetafsiriwa na Lillian Naka

Vignette

Hadithi fupi zinazoelezea kanuni

Uamuzi wa Wilson wa kuiachilia jamii kufanya maamuzi yao wenyewe ulipita kiasi. "Jamii inafahamu mahitaji yao," alisema " Tunapaswa kuwasaidia kuyapata mahitaji yao." Alichokosa kutambua ni uwezekano wa jamii kukosa kuyatambua mahitaji yao kwa umakinifu na kufuata maoni ya viongozi wachache waliokosa kuelezea maoni ya jamii kwa ujumla.

"Tunahitaji msikiti mpya," walisema katika kijiji cha wakaazi 500 ambacho tayari kilikuwa na misikiti mitano. Wilson pamoja na jamii walitia bidii kufanikisha ujenzi wa msikiti mpya. Kukawa na misikiti mingi zaidi ya watu na rasilimali za kudumisha misikiti iliyokuwepo.

Wakati huo huo, watoto wachanga waliangamizwa na ugonjwa wa kipindupindu, wengine wakakosa masomo, barabara za vijijini zikawa hazipitiki na soko likakosa paa la kuzuia mvua. Wilson hakutakikana kuiambia jamii cha kufikiria. Alipaswa kuipa changamoto ya kuchagua walichokihitaji zaidi na jinsi walitaka kutumia rasilimali chache zilizoko kwenye jamii. Iwapo jamii itatetea chaguo lake, basi ingeashiria hitaji la jamii kwa ujumla.

Kumbuka:
Hadithi hizi zimetokana na matukio ya kweli. Majina ya watu na mahali yamebadilishwa ili kuficha uhalisia.

© Hati miliki 1967, 1987, 2007 Phil Bartle
Mtandao umebuniwa na Lourdes Sada

──»«──

Imeratibishwa mwisho: 2015.02.27