Traducións:

Outras páxinas:

Módulos

Mapa do sitio

Palabras clave

Contacto

Documentos útiles

Ligazóns de interese

OITO ELEMENTOS DA METODOLOXÍA DO REFORZAMENTO

por Phil Bartle, PhD

traducido por Iria Castiñeiras Pérez

Folleto de discusión

Que é preciso para fortalecer a unha comunidade (ou organización) e incrementar a súa capacidade?

1. O equilibrio de poderes (líderes e creadores de opinión, non só a maioría demográfica) debe desexar que a comunidade se volva máis autosuficiente e deben estar dispostos a facer sacrificios para poder acadalo (os líderes e creadores de opinión poder ser oficiais ou non, recoñecidos ou non). Sen isto, o activista perdería o seu tempo e estaría mellor traballando noutra comunidade;

2. A comunidade debe dispoñer dun axente experimentado e / ou adestrado que a estimule e guíe para organizarse e emprender accións para superar a pobreza e volverse máis autosuficiente. O activista pode ser unha persoa con talentos e habilidades; o adestramento desta páxina web está dirixido a desenvolver e perfeccionar ditos talentos;

3. Pódese ofrecer asistencia, pero non debe tratarse de caridade, pois promove a dependencia e a debilidade. O compañeirismo, a asistencia e o adestramento promove a autosuficiencia e aumenta a capacidade;

4. Non debe controlarse ou forzarse o cambio nas organizacións ou nas comunidades receptoras de axuda, aínda que os profesionais adestrados como activistas deben intervir mediante a estimulación, a información e a guía. Debe evitarse a enxeñería social. É preciso persuadir e facilitar;

5. Os organismos fortalécense mediante o exercicio, a loita e enfrontándose a adversidade. A metodoloxía do reforzamento incorpora este principio para as organizacións sociais. Os adestradores deportivos empregan o eslógan «sen sufrimento non hai vitoria». Nós non promovemos a dor, pero si a loita e o esforzo;

6. A participación activa dos destinatarios, especialmente na toma de decisións, é fundamental para incrementar a súa capacidade;

7. Unha proporción importante (non é fixa) dos recursos necesarios para o proxecto comunitario debe proceder dos propios membros da comunidade;

8. Dende o principio precisamos asegurarnos de que os participantes teñen o control absoluto, exercendo a toma de decisións e aceptando a responsabilidade das súas accións, o que os conducirá a un incremento da súa forza.

Véxase palabras clave: Metodoloxía do fortalecemento.

© Copyright 1967, 1987, 2007 Phil Bartle
Deseño da web por Lourdes Sada

––»«––

Última actualización: 02.07.2011