Traducións:

Outras páxinas:

Módulos

Mapa do sitio

Palabras clave

Contacto

Documentos útiles

Ligazóns de interese

SABER CANDO DEIXALO

por Phil Bartle, PhD

traducido por Iria Castiñeiras Pérez

Folleto de discusión

Tes que saber cando seguir, cando deixalo, cando afastarte e cando saír correndo
Don Schlitz

A mesma talla para todo o mundo? Non.

A metodoloxía de reforzamento da comunidade non é a panacea universal e non resolverá tódolos problemas. Deberá misturar, facer coincidir e modificar segundo as necesidades e características de cada comunidade.

A canción «The Gambler» (en galego, «O xogador»), escrita por Don Schiltz e gravada por Kenny Rogers en 1978, menciona a frase anterior no seu retrouso. A nosa preocupación é saber que, nalgunha comunidades, deberá deixalo e é vostede quen debe valorar e xulgar cando é o momento preciso.

Unha intervención como a da metodoloxía do reforzamento comunitario é unha inversión. Precisa recursos para ser implantada. E, como en calquera inversión, o gastado, gastado está. Se non funciona, non pense que poderá recuperar os gastos perdidos para seguir adiante. Terá que cortar gastos e afastarse; procurar unha nova comunidade na que traballar.

Nalgunhas comunidades, a metodoloxía non funcionará. As razóns son moitas e diversas: demasiada xente poderosa con intereses creados, un exceso de calquera dos cinco factores da pobreza, un entorno legal e administrativo que dificulta o seu traballo, guerras civís e terror, riscos de seguranza, serios problemas coas barreiras lingüísticas ou culturais, entre outros. Prepárese para isto e non se culpe se a comunidade non está preparada.

© Copyright 1967, 1987, 2007 Phil Bartle
Deseño da web por Lourdes Sada

––»«––

Última actualización: 02.07.2011