Traducións:

Outras páxinas:

Módulos

Mapa do sitio

Palabras clave

Contacto

Documentos útiles

Ligazóns de interese

DESENVOLVEMENTO DA XENTE

Non do hardware

por Phil Bartle, PhD

traducido por Iria Castiñeiras Pérez

Folleto do seminario

Moitas persoas, incluíndo políticos e xornalistas, ao visitar comunidades como as incluídas neste programa queren ver as instalacións (por exemplo: latrinas, estradas, clínicas, subministros de auga ou escolas), e xulgar o éxito do programa polas súas construcións físicas.

Aínda que estes poden ser os obxectivos da comunidade, non o son do fortalecemento da mesma. Para os activistas, as instalacións son un medio de fomentar o cambio social dentro das comunidades.

Os nosos obxectivos encóntranse no aspecto do «cambio social» no desenvolvemento.

Estimulamos e axudamos ás organizacións baseadas na comunidade a construír novas instalacións e a rehabilitar e manter as xa existentes. Polo tanto, os obxectivos da comunidade céntranse nos obxectos físicos, como clínicas, estradas, escolas, pontes, subministros de auga e latrinas.

Pola contra, os obxectivos do fortalecemento das comunidades céntranse na xente, en como se organizan, como se relacionan cos líderes e co goberno, tanto interno como externo, as súas actitudes, comportamento, habilidades e organización institucional.

Os obxectivos do reforzamento da comunidade están, pois, relacionados co desenvolvemento do «elemento persoal», polo que a infraestrutura física, a súa construción e mantemento son un «medio» e non un obxectivo.

Os sectores ortodoxos (auga, educación, saúde) teñen unha importancia secundaria, sempre que a elección do tipo de actividade se faga de forma consensual e se identifique como unha prioridade da comunidade.

Cando ve unha escola construída pola comunidade, non é só o resultado do adestramento en mantemento comunitario: é (e foi) o medio ou estratexia polo que puidemos empregar a acción comunitaria para incrementar a capacidade de desenvolvemento desa comunidade. A clínica non foi o éxito: a habilidade da comunidade (de escoller, planificar e construír) é o éxito.

© Copyright 1967, 1987, 2007 Phil Bartle
Deseño da web por Lourdes Sada

––»«––

Última actualización: 02.07.2011