Pagsasalin:

Ibang mga Pahina:

Mga Modyul

Mapa ng Site

Susing Pananalita

Ipagbigay-alam

Mga Dokumento

Mga Magagamit na Link

MGA REKORD NA PANG-NEGOSYO

ni Phil Bartle, PhD

isinalin ni Emmanoelle Garalde

Tala para Sa Pagsasanay

Anong klaseng pagsasanay sa mga rekord na pangnegosyo ang kinakailangan ng mga kalahok sa maliit na negosyo?

Panimula:

Sinuman ang pumasok sa pagnenegosyo, maliit man o malaki, ay kinakailangan malaman at tandaan ang mga nangyayari sa kanyang negosyo sa anumang panahon. Dapat ay isulat ng mga may-ari ng maliit na negosyo ang lahat ng pangyayari para maging basehan sa anumang gawain sa hinaharap.

Kasama ng dokumentong ito ang Pagtatala ng mga Transaksyong Pinansyal at Mga Pag-Uulat na Paksa.

Ano ang pagtatago ng rekord?

Ang ibig sabihin ng pagtatago ng mga rekord na pangnegosyo ay ang pagtatala ng:

• Gaano karaming pera ang natatanggap ng iyong negosyo; at
• Gaano karaming pera ang iyong binabayad palabas.

Ang pagrerekord ay isang paraan sa pagtatala ng sunod-sunod ng lahat ng transaksyon na may kinalaman sa perang pumapasok at lumalabas sa iyong negosyo.

Ang transaksyon ay ang palitan ng pera para sa isang bagay na may halaga. Pumapasok at lumalabas ang pera sa pamamagitan ng mga transaksyon. Nakakatanggap ng pera ang isang maliit na negosyo sa pamamagitan ng pagbenta ng produkto o serbisyo. Lumalabas naman ang pera kapag nagbabayad para sa mga produkto, materyales, pasahod at mga kinakailangan (tulad ng tubig, kuryente).

Kapag may rekord ang lahat ng nakasulat sa taas, matutulungan ang may-ari kung magkano ang kanyang kailangan para mapatakbo ang kanyang negosyo sa anumang panahon (tulad ng pangangailangan sa kapital at kung saan ito kukunin). Ang maayos at tamang mga rekord ay makakatulong din sa pagtingin kung ang inaasam na kita ay maabot. Maaring malaking porsyento ng pera ay napupunta sa pasahod o sa mga materyales. Maaring may kumukuha ng pera sa negosyo sa pamamagitan ng pagkuha ng salapi o mga produkto.

Ang tamang rekord ay makaktulong sa paghanap ng solusyon sa mga problema at sa pagplano ng hinaharap dahil naipapakita nito ang mga nakaraang pagkakamali at ang mga kasalukuyang nangyayari sa iyong negosyo.

Karamihan sa maliliit na negosyo ay hindi nagtatago ng rekord lalong lalo na kung ang may-ari ay babae. Hindi nila naitatala ang kanilang mga transaksyon dahil hindi sila marunong bumasa o sumulat. Dapat ay tulungan sila ng kanilang mga anak na pumapasok sa paaralan o ng kanilang mga asawa o ng isang mapagkakatiwalaan na marunong bumasa at sumulat.

Mga Uri ng Rekord:

Sa tamang pagtatago ng rekord, kinakailangan na isulat lahat ng transaksyon ng negosyo sa maayos na paraan. Kailangan mapakita mo na ang perang iyong natanggap at ibinayad. Kinakailangan mo ng katibayan sa bawat transaksyon, maski sa pinakamaliit na halaga tulad ng pamasahe, sobre, o sabon.

Mga halimbawa ng nakasulat na katibayan ay:

• Resibo nga mga nabiling produkto o materyales, renta, bayad sa tubig at kuryente; o
• Kopya ng mga resibo na binigay mo sa iyong mga mamimili.

Kung walang katibayan na nakasulat, kinakailangan mong isulat ang mga detalye ng transaksyon. Maari kang gumamit ng notebook para isulat ang mga impormasyon na iyong kinakailangan.

Sa pagrerekord, ang mga resibo at anumang katibayan ng transaksyon ay tinatawag na "vouchers." Palaging itago ang mga voucher sa isang lugar tulad ng lalagyan na may kandado o sa kabinet. Ito lang iyong katibayan na ang iyong rekord ay tama.

Simpleng Sistema sa Pagtatago ng Rekord:

Si Ms Somo ay nagmamay-ari ng isang sari-sari store sa South Side. Nakikipagtalo siya sa isang mamimili tungkol sa dami (ilang kilo) ng asukal na inutang nito sa kanyang tindahan. Hindi sila makapagsundo sa kilo ng asukal na kanyang inutang. Naisip ni Ms Somo na kaya siya may mga problemang ganito ay dahil sa hindi siya nagtatago ng rekord sa kanyang mga transaksyon.

Alam niyang kailangan nya ng rekord ngunit hindi niya alam kung anong klaseng rekord ang kanyang dapat itago, paano ito gawin at paano ito gamitin. Pumunta si Ms. Somo kay Ms Nalongo Chow para humingi ng tulong. Si Ms. Nalongo Chow ay nagmamay-ari ng Nalongo Grocery ay may karanasan na sya sa pagtatago at pagamit ng rekord na pang-negosyo.

Ipinakita ni Ms Nalongo Chow kay MS Somo kung paano magrekord at paano gumawa ng mga vouchers para sa lahat ng binibili at nabebenta gamit ang pera o utang. Sa pagsimula ng negosyo, gumagamit ng pera at sa paglaon ay dumadating ang benta, at nakakatanggap ng pera. Sa bawat pagbili o pagbenta, isulat ang detalye sa isang "cash book."

Cash Book:

Maaring gumamit ng notebook para sa cash book.

Tandaan: lahat ng pera na pumapasok ay inilalagay sa kaliwa. Lahat ng pera na lumalabas ay isinusulat sa kanan.

Gamiting ang "cash in hand" in (+) column bilang balanse sa susunod na pahina.

Workshop ng Pagsasanay:

© Copyright 1967, 1987, 2007 Phil Bartle
Web Design: Lourdes Sada

––»«––

Huling Ulat: 10.05.2011