|
Tweet Pagsasalinwika:
Català |
PUNSIYUNAL NA KAALAMAN SA PAGBASA AT PAGSULATAng Maunlad na Pagpapatalastas ay Nagbibigay-Kapangyarihan sa KomunidadNi Phil Bartle, PhDisinalin ni Myla BurkeHandog sa alaala ni Peter Gzowski*Panimula ng Pangunahing ModuloAng mga dokumentong nakapaloob sa Kaalaman sa Pagbasa at Pagsulat na modulo:
Disenyo ng isang punsiyunal, praktikal, kapaki-pakinabang at napakahalagang programa upang matuto ng pagbasa at pagsulatHindi lahat ng tagapagpakilos ay may pagkakataon at hamon na magbalak at maglahad ng isang programa tungkol sa punsiyunal na kaalaman sa pagbasa at pagsulat. Sa pamayanan, maaaring hindi inaakala ng mga kasapi na kailangan nila ito, o maaaring may ibang mga programang katulad nito na hindi na dapat gayahin. Ngunit, kung may nagnanais nito na hindi natutupad ng iba, may pagkakataon kang mag-ambag patungo sa marangal at kapaki-pakinabang na gawain. Ang layunin nitong modulong ito ay akayin ka sa pagbalak ng karapat-dapat na programa para sa kaninumang hindi marunong magsulat at magbasa. Hindi ito tradisyonal at hindi ito nagbibigay ng ganap na solusyon. Higit pa doon, ang layunin ay himukin kang makaramdam at alamin ang iyong kliyente, at magbalak ng isang programang base sa kung ano ang tumpak, praktikal at kapaki-pakinabang. Ang modulo ay naguumpisa sa mga dahilan kung bakit pinili itong pamamaraang hindi tradisyonal, Bakit Kailangang Makilahok sa Kaalaman ng Pagbasa at Pagsulat? , na naglalahad ng mga katwiran sa pagdisenyo ng akmang programa para sa bawat pamayanan. May pangunahing dokumento na nasa sentro ng modulong Kaalaman sa Pagbasa at Pagsulat at ang Pagsasakapangyarihan, na naglilista ng labing-walong prinsipyo sa pagdisenyo ng iyong programa. Ang listahang iyon ay makukuha din sa anyo ng Manwal ng Pagsasanay, na nag-uugnay sa bawat isa sa labing-walong prinsipyo. Ang bawat prinsipyo ay tig-isang pahinang manwal. Maari ding makuha ang lahat ng prinsipyo sa iisa (ngunit mas mahaba) na dokumento para sa iyong sangguniang babasahin, Mga Prinsipyo ng Kaalaman sa Pagbasa at Pagsulat. Bisitahin ang modulong ito at ang labing-walong prinsipyo; maaaring gamitin mo para sa iyo o pantulong sa pagsasanay upang magbalak ng programa tungkol dito. ––»«––*Puna Ang yumaong Peter Gzowski (Gzosky, Gzowsky) ay isang tagapagbalita ng radyo CBC (Canadian Broadcasting Corporation). Siya ay kinikilala sa pag-ugnay ng mga mamamayan ng Canada upang magkaisa, unawain at pagpahalagahan ang iba't ibang kultura at sining na matatagpuan dito. Inialay niya ang oras at kakayahan para tulungan ang hindi nag-aral matuto at maibigan ang pagbasa at pagsulat. Mga Komplementaryong Modulo:
Hindi Materyal na Pagpapaunlad, Mga Babasahin, Balanse/Timbang ng Kasarian Kung kumopya ng lamang salita galing sa lugar na ito, kilalanin ang may-akda |
Pangunahing Pahina |