Traducións:

Outras páxinas:

Palabras clave

Módulos

Socioloxía
Páxina principal
Apuntes á lectura
Debates

Mapa do sitio

Contacto

Documentos útiles

Enlaces de interese

Palabras clave que comezan coa letra P

polo Doutor Phil Bartle

traducido por Nahir Seijo, Iria Castiñeiras Pérez

PARTICIPACIÓN COMUNITARIA

A participación comunitaria supón moito máis que contribuir con traballo ou subministracións; implica participar na toma de decisións, escoller un proxecto comunitario, planificalo, levalo a cabo, xestionalo, seguilo, controlalo. É diferente da contribución comunitaria.

A animación social promove as actividades da comunidade de destino con vistas a que asuma máis responsabilidades no seu propio desenvolvemento, comezando polas decisións sobre qué proxectos emprender, e o estímulo para mobilizar recursos e organizar actividades.

O fomento da participación comunitaria está orientado a asegurarse de que as decisións que afecten á comunidade tómanas tódolos (non só uns poucos) membros da comunidade (non unha axencia externa).

Esta metodoloxía fomenta a contribución comunitaria, xa que a comunidade é máis responsable da actividade se inviste os seus propios recursos nela. Tamén animamos ao Goberno e aos doadores externos a falar das súas actividades con toda a comunidade; isto chámase consulta comunitaria.

Non deberiamos equipara-la participación comunitaria coa contribución comunitaria ou coa consulta comunitaria (como fan por erro moitas axencias de axuda); participación significa aquí participar na toma de decisións, no control e na coordinación.

PLANIFICACIÓN

Planificar é pensar e achar qué facer no futuro. Un bo plan ten unha serie de pasos que levan dende a situación actual ata o fin desexado. Ver plan de traballo.

Un método efectivo é o «pensamento invertido no tempo», co que se comeza pensando no que se quere acadar ao final, mírase ao paso inmediatamente anterior a ese, despois ao anterior, e así ata chegar á situación actual.

POR CAUSA DE

A frase "por causa de" significa que existe unha relación causal entre a acción e condición "A" (a causa) e a acción e condición "B" (o efecto).   Véxase: Problemas da predición e da causa.

PORQUE

A palabra "porque" imprica unha relación "causal", onde unha condición ou acción "causa" outra condición ou acción. Para que a acción "A" "cause" a acción "B", ambas deben ser suficientes e necesarias. No reforzamento da comunidade en concreto, como tamén nas ciencias sociais en xeral, moitas accións e condición teñen múltiples causas, polo que é difícil identificar unha soa causa para cada acción e condición. Se "A" é a causa, "B" é o seu efecto.

POBREZA

Pobreza é algo máis que a falla de diñeiro e ingresos, máis que a falla de acceso a instalacións e servicios como auga, estradas, educación ou clínicas. É o resultado da «pobreza de espírito» , é dicir, unha actitude de desesperanza, un descoñecemento dos recursos dispoñibeis, unha dependencia doutros, falla de confianza, de estímulos, de habilidades, de integridade e dunha organización efectiva e sostible; en resumo, falla dunha boa xestión.  Ver factores da pobreza.

A pobreza é un problema social e precisa dunha solución social; non é só a falla de ingresos dun grupo de persoas. Pode reducirse organizando e guiando aos pobres para que se axuden a sí mesmos, e se fortalezan (potenciación) como resultado de participar nas loitas e enfrontarse aos retos. A erradicación da pobreza, porén, esixe unha mellora consolidábel da xestión.

POTENCIACIÓN COMUNITARIA

Aumenta-la capaciadade dunha comunidade é aumenta-la súa aptitude para face-las cousas por sí mesma.

Non é só engadir servicios ou instalacións comunitarias como estradas, sanitarios, auga, ou acceso á educación e á atención sanitaria.

Implica aumenta-la aptitude e a forza; máis habilidades, máis confianza, e unha organización máis eficaz. Non pode xurdir da caridade ou a doazón de recursos externos. Pode facilitarse con accións como proxectos comunitarios, pero só cando tódolos membros da comunidade están involucrados dende o comezo para decidir sobre a acción comunitaria, identificar recursos ocultos na comunidade, e desenvolvendo un sentido da propiedade e a responsabilidade sobre as instalacións comunitarias dende o comezo ata o final.

Aínda que o Goberno pode axudar a aumenta-la democratización delegando na comunidade parte do poder para lexislar, o uso que ésta faga da toma de decisións legais depende da súa capacidade práctica, é dicir, da habilidade para tomar decisións sobre o seu propio desenvolvemento, para determina-lo seu propio futuro. Poder, forza, capacidade, habilidade, potenciación.

© Direitos de autor 1967, 1987, 2007 Phil Bartle
Web Design: Lourdes Sada

──»«──

Última actualização: 2015.10.08