Traducións:

Outras páxinas:

Palabras clave

Módulos

Socioloxía
Páxina principal
Apuntes á lectura
Debates

Mapa do sitio

Contacto

Documentos útiles

Enlaces de interese

Palabras clave que comezan coa letra D

polo Doutor Phil Bartle

traducido por Nahir Seijo, Iria Castiñeiras Pérez

DEMOCRACIA

A palabra «democracia» ven das antigas linguas clásicas, onde «demo» significa xente (como en demografía) e «cracia» signifiaca poder (como en burocracia ou aristocracia).

A palabra democracia significa, pois, o poder da xente. Ironicamente, a antiga Grecia non era moi democrática, posto que a economía estaba baseada no traballo dos escravos.

Hai distintos tipos de democracia: un exemplo é a democracia representativa, na que o pobo escolle aos seus representantes (os membros do Parlamento, por exemplo) para que tomen as decisións por eles; ou a democracia participativa, na que a xente participa na toma de decisións.

Vostede debe, como activista, insistir na promoción da democracia (no proxecto comunitario), pero non é preciso que imite o sistema parlamentario británico.  Busque o que sexa apropiado para a sociedade.

DEPENDENCIA (síndrome)

O síndrome de dependencia é unha actitude e crenza de que un grupo non pode resolve-los seus propios problemas sen axuda externa.

É unha debilidade que empeora coa caridade. Ver o síndrome de dependencia.

DESENVOLVEMENTO

Moita xente asume que desenvolvemento supón crecemento cuantitativo, cando a súa característica principal é o cambio cualitativo.

Desenvolverse é medrar, e medrar significa algo máis que facerse grande; tamén significa volverse máis complexo e forte.

Cando unha comunidade se desenvolve, faise máis forte e máis complexa.

Experimenta un cambio social.

Ver «cultura». Un economista podería ve-lo desenvolvemento só como un incremento da riqueza ou os ingresos (absolutos ou per capita); e un enxeñeiro podería ve-lo desenvolvemento como un maior control sobre a enerxía, ou ferramentas máis sofisticadas e poderosas.

Para un activista, sen embargo, esas son só dúas das seis dimensións culturais dunha comunidade que cambia. Desenvolvemento significa cambio social nas seis dimensións culturais: tecnolóxica, económica, política, interactiva, ideolóxica e visión do mundo.

Ver desenvolvemento comunitario.

DESENVOLVEMENTO DA CAPACIDADE

Aumenta-la «capacidade» (habilidade) dunha comunidade ou organización. Potenciación. Fortalecemento.

Ver elementos do fortalecemento, unha lista cos dezaseis elementos que constrúen a capacidade.

A diferenza entre desenvolvemento da capacidade e construción da capacidade radica na orixe da forza do crecemento.

O termo «construción da capacidade» implica que é algún organismo de fóra da comunidade ou organización quen suministra a enerxía para incrementa-la súa capacidade.

Susténtase no concepto de «enxeñería social».

O termo «desenvolvemento da capacidade», pola contra, implica que a enerxía para o crecemento ven do interior da comunidade ou organización.

Ve-lo slogan de Julius Nyerere; unha comunidade desenvólvese por sí mesma.

DESENVOLVEMENTO COMUNITARIO

Cando unha comunidade se desenvolve, medra. Ve-la palabra desenvolvemento. Isto non significa necesariamente que se faga máis grande ou máis rica. Significa que se fai máis complexa e forte.

Un activista non desenvolve unha comunidade, do mesmo xeito que unha flor non crece máis porque alguén tire dela. Unha comunidade (como institución social) desenvólvese a sí mesma. Un activista só pode estimular, afoutar e guia-los seus membros.

Hai quen pensa que o desenvolvemento comunitario implica simplemente enriquecemento: un aumento da riqueza ou da renda per cápita. Pode selo, pero é máis que iso.

Implica un cambio social polo que a comunidade se fai máis complexa, engadindo institucións, aumentando o seu poder colectivo, cambiando cualitativamente a súa organización.

Desenvolverse significa medrar en complexidade e forza nas seis dimensións da cultura.

DESHONESTIDADE

Falla de integridade e honestidade.

A dishonestidade é un dos cinco maiores factores da pobreza.

Leva varias etiquetas, incluíndo as de corrupción, desfalcamento, extorsión e roubo. Ocorre cando a riqueza dirixida ao desenvolvemento de toda a comunidade é ilegalmente (e a miúdo en segredo) desviada para beneficiar a individuos que traizoan a súa posición de confianza como servidores da sociedade en conxunto.

A consecuente falla de confianza contribúe, á súa vez, á apatía e á pobreza.  É por iso que vostede, como activista e promotor de organizacións comunitarias, promove a transparencia, integridade e honestidade nos grupos que dirixe.

DIMENSIÓN CONCEPTUAL DAS CRENZAS

A dimensión conceptual das crenzas da comunidade é unha estrutura de ideas diferente, ás veces contraditoria, que a xente ten sobre a natureza do universo, o mundo que os rodea, o seu rol nel, a causa e o efecto, a natureza do tempo, da materia e do comportamento. Véxase "cultura."

As crenzas, ao seren elementos culturais, transmítense comunicándose con símbolos e non a través de unha herdanza xenética (biolóxica). As crenzas e as percepción da realidade compartida por membros dunha comunidade vense afectas polas súas actividades como activista, polo que deben ser tidas en conta dentro do seu plan de actividades.

DIMENSIÓN IDEOLÓXICA DA COMUNIDADE

A dimensión ideolóxica da comunidade é aquela estrutura de ideas, en ocasión paradoxal, inconsistente ou contraditoria, que as persoas teñen sobre o ben e o mal, o belo e o feo,sobre o que é bo e o que é malo, e que xustifica o modo de actuar da xente.

A dimensión da cultura. Unidade básica = símbolo. Véxase tamén "Cultura." Aprendida; non transmitida xeneticamente. Ideoloxía. Valores. Véxase dimensións.

DIMENSIÓNS DA CULTURA

Cada dimensión está composta por sistemas socio-culturais (por exemplo, o sistema económico) combinados para formar un sistema super-orgánico.

As seis dimensións son: técnica, económica, política, institucional, valores e conceptual.

Unha comunidade é unha entidade cultural, e polo tanto as dimensións tamén son aplicables ás comunidades.  Ver dimensións.

DIÑEIRO

Diñeiro e riqueza non son o mesmo. Diñeiro é un símbolo cultural no que ten que crer todo o mundo para que sexa útil.

Pode empregarse para medir, transferir, intercambiar, ou acumular riqueza. (Ver «riqueza», e principios da riqueza).

Diñeiro non é riqueza

© Direitos de autor 1967, 1987, 2007 Phil Bartle
Web Design: Lourdes Sada

──»«──

Última actualização: 2015.10.01